لا للكذب على خلق الله
لا تحتكرون الدين على فئه لا تاخذ من الاسلام الا المظهر الخارجي
ترا احنا بعد مسلمين ... واختلافنا معكم لا يخرجنا من المله
بهذا الوقت من الانتخابات محتاجين عضو علشان يشرع القوانين الاقتصاديه
محتاجين اعضاء مهندسين يفهمون بهندسة المدن علشان يشرعون قوانين للبلديه و يفكوننا من العشوائيه بالبناء
محتاجين اعضاء دكاتره يشرعون قوانين تنتشل الوضع الصحي من التردي والفشل الاداري بالصحه
بس مو محتاجين اعضاء قاعدين بالمطار يراقبون متى توصل هيفاء والا اليسا علشان يوجهون سؤال برلماني ( ليش ادخلت البلاد )
ولا محتاجين اعضاء يبوننا انصلي بشبرات من الشينكو بسنة 2009 والمساجد الرسميه موجوده على بعد امتار
انتوا ترضون ان بيت الله ينبني من شينكو
والله العظيم .... ان اللي المفروض يتحاسب مو اللي ازال الشبرات اللي يصلون فيها ومعتبرينها مساجد ...
المفروض اللي يتحاسب اللي بنى هالشبرات بهالصوره المخزيه ... ويقول بيت الله ..
علشان جذيه اقول
( لا للدبكه وراقصينها )
لان اللي ارقصوا الدبكه مو بس اللي شفتوهم
اللي ارقصوا الدبكه اهم الناس اللي ناوين على خراب هالديره
اللي ارقصوا الدبكه اهم الناس اللي عندهم الاعتمادات للمشاريع التنمويه وعندهم آلية التنفيذ بس يعطلون هالمشاريع ويوهمون الشارع بان اللي ورا هالتعطيل هم نواب التازيم ،،، وكلام الوزير السابق الشيخ سعود الناصر خير دليل على معطلين التنميه.
يا جماعه ،،، اذا كان نواب التازيم عددهم عشره فان الحكومه عندها اغلبيه تقدر اتمرر اي قانون تبيه ....
بس لأ يبون المجلس خاضع بنسبة 100% ..
هناك 3 تعليقات:
يسلم لسانك والأيادي والكيبورد :o)
مفهوم اخر مبتكر للرقص على هموم وحاجات الوطن بورك قلمك
مشكله اللي يجذبون ويصدقون جذبتهم ،
يبا منو دبك،
اذا لك عيون وتشوف راح تعرف ان محد دبك ،
بس الحقد عامي عيونكم.
إرسال تعليق